30 abril 2013

SEO para contidos non textuais (II)

Boas prácticas para SEO con contidos en vídeo

Agora que xa coñecemos os fundamentos da indexación de imaxes, vexamos como indexar vídeo.

1/ Coma no caso das imaxes usar só formatos que Google poida ler. MPG, MPEG, M4V, MOV, WMV, ASF, AVI, RA, RAM, RM, FLV ou swf. Usar segundo conveña.

2/ Gardar o vídeo cun título de palabras clave axeitadas e contextuais.

3/ Mellor sería que o SEO para vídeo encetara nas etiquetas do noso encabezado html: title, meta description e meta keywords. O título, as palabras clave e a meta descrición, todos a vez, deben axudar aos motores de busca a entender -indexar- o asunto e contido do vídeo.
O título debe reflectir as palabras clave que os usuarios están a buscar, e que, por suposto, se adecúan ao contido do vídeo. Si non estás seguro de por onde encetar: usar unha ferramenta de palabras clave que permita ver as palabras e frases que a xente está usando para atopar o noso sitio.
Escoller e empregar palabras clave para a meta descrición coa que podemos fornecer o vídeo. YouTube concede até 5.000 caracteres para describir o vídeo. Pero atendendo a que Google vai cortar esa descrición na SERP a 156 caracteres, mellor asegurarse de que a primeira frase inclúe as palabras clave que inviten ao usuario a premer na ligazón.

4/ E bastante común ter unha páxina que funcione coma un "estante" para os vídeos. Este tipo de biblioteca pode ser útil con fins de ficheiro de referencia, pero a dende a perspectiva do buscador só é unha boa idea se todos os vídeos son sobre o mesmo tema xeral. Por exemplo, podemos albergar todas as entradas a nosa colección de vídeos de receitas de cociña nunha páxina, o que é óptimo para aparecer para unha consulta a prol de "videos receita de cociña." Pero non para unha busca máis especifica: "video empanada bacallau".

5/ Permiso 'total' para compartir coa incorporación dun texto áncora específico. Por que o feito de compartir contidos nas redes sociais ten un papel moi efectivo nos rankings SERP para unha frase clave específica. Cantas máis persoas incorporaren o vídeo no seu propio sitio ou o compartan nas redes sociais, máis se interesarán os buscadores por ese contido. So asegurarse de que o vídeo é facilmente integrábel e que o servizo de hospedaxe de vídeo permite a opción de incorporación a beneficio de outro sitio.

6/ Crear un mapa do sitio de vídeo para Google Webmaster. Os mapas de sitio (sitemaps) son arquivos XML cos meta datos dun sitio web que informan aos buscadores sobre os contidos das páxinas dun sitio web. Incluir etiquetas e información a prol dos vídeos dun site incentiva a Google a incluír un fragmento co seu vídeo nunha SERP.

7/ Case seguro que o mellor xeito para que os motores de busca indexen contido non escrito, é engadir contido escrito: incluir unha transcrición. A maioría dos servizos de vídeo, incluíndo YouTube e Wistia, inclúen servizos de transcrición de balde ou por unha pequena taxa. Incluír unha transcrición na páxina para axudar aos buscadores e aos espectadores que non pode ver pode mellorar o consumo do producto. Algo máis? Non esperar a que compartan o vídeo, autopublicarse -ebook, redes sociais, blog,...- en diferentes plataformas, e compartir, compartir, compartir, ... ;)

(cont.)

saber máis: search-engine-optimizing-non-written-marketing-content
videosearch/sitemaps

29 abril 2013

SEO para contidos non textuais (I)

Cando as contornas deseñadas para o marketing on-line son cada vez máis visuais: Como resolver o SEO dun sitio web así? Que se saiba Google -et alt.- inda non indexan as imaxes, videos ou son. Non sen unha pequena axuda.

Boas prácticas para SEO con imaxes

Está pode ser a parte máis fácil de entender. Tamén para os buscadores.

1/ Usar formatos de imaxe axeitados. Google só pode indexar imaxes dos formatos BMP, GIF, JPEG, PNG, WebP e SVG.

2/ No canto de darlle aos buscadores un nome que non ten nada que ver coa imaxe ("IMG12345.jpg"), mellor usar como nomes de imaxe palabras ou frases descritivas do que a imaxe representa. Google usa eses nomes para indexar as imaxes co que podermos conseguir que algunhas veces o nome do ficheiro apareza nunha SERP. Por exemplo "Horreo-de-dezaseis-mos-en-Lourizan-Galicia.jpg" ou "Horreo_de_dezaseis_mos_en_Lourizan_Galicia.jpg". Google entenderao mellor, tamén nos.
OLLO!: Ao separar as palabras con guións Google usaraos como separadores de palabras, mentres que os subliñados ou guións baixos serviranlle para facer unha busca de combinados de palabra ou frase. Evidentemente os resultados da busca van a ser diferentes en cada caso.

3/ O texto alt dunha imaxe non só axuda aos motores de busca, tamén contribúe a usabilidade do sitio e a súa accesibilidade para usuarios que non poden ver a imaxe. Hai que ser o máis descritivo posible co texto alt ... pero sen ser excesivo. Algúns exemplos:
O peor: alt = ""
O mellor: alt = "horreo"
Aceptábel: alt = "horreo dezaseis mos"
Evitar: alt = "horreo arquitectura popular dezaseis mos Lourizán Galicia"

4/ A imaxe non vive separada do resto do contido da paxina. Podemos axudar aos motores de busca a ter unha visión mellor da ordenación dos contidos facendo referencia á unha imaxe no contido escrito da paxina. E inda mellor se usamos as mesmas palabras clave do nome do ficheiro ou do texto alternativo (alt=).
P.ex.: "Como se ve na foto, en Galicia atopamos magníficos exemplos de arquitectura popular coma o hórreo de dezaseis mos de Lourizan...."

5/ Enviar un mapa do sitio a Google Webmaster engadindo etiquetas específicas de imaxe no noso arquivo XML.

(cont.)

saber máis: search-engine-optimizing-non-written-marketing-content

26 abril 2013

social media manager/community manager

Cando unha empresa conta con aproveitar as redes sociais como unha ferramenta das súas estratexias de mercado e se propón obter/contratar os servizos dun especialista debería coñecer a sútil pero evidente diferenza que, -tamén segundo Wikipedia ;)-, existe entre o social media manager (xestor de medios sociais) e o community manager (xestor da comunidade).

Ámbolos dous son os responsables de deseñar, soster, incrementar e atender as relacións da empresa cos clientes no ámbito dixital.

O xestor de medios sociais deseña estratexías, analiza/interpreta resultados e actua na consecución de obxectivos.

A principal diferenza co community manager é que este é quen executa a estratexia deseñada polo social media manager.

Ao primeiro se lle supoñen cualidades de planificación estratéxica de medios, planificación de obxectivos, prospectiva avaliable, xestión de provedores,...

O community manager ten de ser un avezado especialista en comunicación social que saiba trasladar a(s) rede(s) a estratexia deseñada polo xestor de medios sociais. Debe coñecer o medio, ter capacidades creativas e saber programación web.

Un decide como se vai e a onde, o outro encárgase de ir abrindo camiño.

Claro que tamén queda a opción de 'faino ti mesmo'!

(cont.)

19 abril 2013

arqueoloxía de Internet

Por cada novo sitio, por cada nova web, blog, tenda virtual, por cada un dos perfiles aberto en cada unha das redes sociais, existen outros tantos tropezos, abandonos, cansazos e renuncias. A "main street" da mega-cidade que é Internet parece estar sempre chea de novidades e estreas, pero tamén de portais pechados, paneis publicitarios e paredes onde se acumulan os anacos e esconchados dunha actividade suspendida no tempo.

Cando realizas unha busca, ninguén te garante que as últimas respostas-aportacións-datos a prol do asunto sexan os mellores, os máis axeitados e fiables. Como tampouco nadie garante que unha resposta-aportación-dato encol dun asunto sexa inútil por que ten máis de medio mes publicado na web. O usuario asume a obriga de ser quen, coa súa decisión-selección-elección confira o valor final de algo na rede. Ese é o xogo. E moito da loxica viral coa que se producen as ondas de opinón-distribución-éxito que nos atopamos cada día.

Internet é a rúa principal e nesa rúa conviven os escaparates e neons (mellor leds?) máis relucentes e actuais e os contedores de lixo, as papeleiras, e as cabichas, as gomas de mascar pegadas ao chan, os papeis sen dono, as bolsas de plástico, os viandantes, paseantes, 'curritos' que teñen aló o seu choio, miróns, bloggers subidos aos seus caixóns de categorías e tag-clouds(nubes de etiquetas) . É a rúa principal, pero o servizo de limpeza non esta instaurado -Google mediante!-.

Eu son dos que opino que é moito mellor así.

A pesares de que a World Wide Web (WWW, ou "a Web") tal e como a coñecemos foi desenrolada inicialmente por Tim Berners Lee en 1989, dende aquela xa se produciron un enorme numero de mudas nos usos e comportamentos dos usuarios, programadores e editores... Levaríanos tempo saber a quen poñer primeiro como detonante dos cambios.

saber máis:
Internet Archaeology: Behold the Most Hilarious Abandoned Websites
Internet Society
http://www.internetarchaeology.org/

16 abril 2013

paxina en construcción

Estamos mejorando nuestra web!
Que?
Ou non!
Ou... non!
Outra vez as voltas con esa web a medias, sempre inoportuna que decepciona máis que informa. Pódese tolerar un 404 máis menos amigable, un sitio oportuno para o chiste, o experimento ou a broma. Até un 501 se pode soportar... Pero si hai algo máis decepciónante que a paxina lixo que ocupa un dominio abandonado e a típica pantalla -inútil por que non te leva a ningures nin ofrece servizo algún- que pretende facer da súa inconsistencia un favor ofrecido ao usuario:

"En este momento estamos haciendo algunas mejoras en la web que nos imposibilitan estar online."

Vaia! que melloras son esas que fan que a súa web este con esa mensaxe tan decepciónante e -vou a dicilo inda que alguén se ofenda: síntoo!- tan pouco profesional durante... o último mes(?).

Cando atopo unha paxina así lémbrome do dito ese de que cando teñas que fabricar unha astronave mellor que o fagas por duplicado. No caso de que se producira unha incidencia durante a viaxe ao espazo, terías unha replica exacta sobre a que operar os ensaios e protocolos que darían a posibilidade de salvar a toda a tripulación.

Logo, sen pensalo ren esquézome de volver a esa url por moito, moito tempo.

11 abril 2013

a voltas co deseño web responsivo

O deseño web responsivo implica cambios no proceso de deseño. E unha forma diferente de pensar.

Antes de deseñar unha paxina web convén saber -entre outras cousas- como vai a ser o usuario tipo e con que navegador e dispositivo vai a acceder aos contidos.

Coas medidas fixadas en píxels, polos parecidos co deseño gráfico plano da publicación impresa, pódese crear un ámbito fácil de comprender e ao que os deseñadores se adaptaron sen problema.

Pero impor agora esas restricións do papel e as súas medidas fixas ao deseño web non vai a ser unha solución perdurable.

Os modelos flexibles ou fluídos, capaces de adaptarse ao espazo de mostra do dispositivo coa mínima intervención dunha programación especifica, parecen unha alternativa xa consolidada.

O desenvolvedor web ten que experimentar e investigar coas técnicas de deseño antes de tentar o deseño -responsivo!- final.

O máis axeitado é comenzar polo sinxelo: crear un modelo áxil, adaptable e fluído para móbil, p.ex.. Logo, ampliar os recursos de estilo en función das necesidades que se vaian presentando dada a arquitectura, o interface e a experiencia de usuario que se propoña.

Para un deseño responsivo efectivo é bo prescindir ou minimizar as medidas fixadas en píxels. Mellor usar unidades proporcionais como os porcentaxes (%), ou em e rem (root em) para os tamaños de fonte ou as dimensións dos elementos.

Si para o proxecto final fora preciso o uso de dimensións fixas, pódese aproveitar o esquema fluído inicial e definir en pixels o ancho do elemento exterior de acordo ao dispositivo.

08 abril 2013

bases de datos non-SQL

A base de datos non-SQL Cassandra foi criada por Facebook para así poder dispoñer dunha base de datos distribuída a que se lle supón un máis de alto rendemento, maior flexibilidade, tolerancia a fallos, escalabilidade e que fose capaz de procesar grandes cantidades de datos. Liberada baixo licencia Apache, na actualidade é principalmente utilizada por empresas de internet con proxectos con un uso intensivo da base de datos(p.ex.: Twitter, Adobe, HP,...).

Si o proxecto vai a requerir:
- Manexar inteaccións de múltiples supscriptores, ou bases de datos distribuidas en varios paises, precisaremos escalabilidad e soporte para a distribución geografica de contidos e resposta a medida para interactuar eficazmente con usuarios-clientes. P.ex.: Netflix.

- Manexar campañas de marketing ou correo-e, con enormes cantidades de datos social-media que deben manterse accesibles por anos e por natureza bastante desestruturados... P.ex.: ConstantContact

- Proxectas crear unha utilidade na nube que permita copias e busquedas en GoogleApps, Gmail, Facebook, Twitter, Blogger ou outros, con necesidades obvias de escalabilidade e una axil arquitectura de acceso a datos...... P.ex.: Backupify.

Leer máis: http://cassandra.apache.org/ http://www.interadictos.es/cassandra-y-php-para-desarrolladores-sql/

05 abril 2013

deseño responsivo


A cada novo cliente ou novo proxecto, parece que a necesidade dun deseño que garanta a compatibilidade entre dispositivos está aumentando.
Os hábitos dos posibles usuarios así o reclaman. Os smartphones están nun bo pico de popularidade. Os iPads, Kindles, tablets e outros dispositivos portátiles de tamaño medio están case aí tamén. Logo xa non precisamos de salientar a importancia dos sitios mobil-friendly.
O deseño responsivo ven a tratar de facer máis lóxico o proceso de deseño dun sitio web que debe de se amosar de xeito correcto independentemente do dispositivo co que o usuario acceda a ese sitio.

Ler máis: http://www.webdesign.org/web-design-basics/design-principles/responsive-web-development-as-a-standard-step-by-step.22016.html

02 abril 2013

redactas? ollo co que dis

Redactar con sentido ou xenio suficiente é un reto na estratexia comercial dunha compañía. As presas as veces; as veces querer abarcar máis do necesario pode xerar frases difíciles de dixerir e posiblemente contrarias a nosa intención.

Sentidiño ;)

... is a young company with decades of experience. Established in 2006, ...     young/decades/2006 ?

01 abril 2013

web e mercado libre

Afronta-lo desenrolo dun portal web implica experiencia e profesionalidade. 'Calquera' pode criar un portal, pero non calquera pode criar un portal seguro, eficaz e profesional.
Podes probar con 1to1 ou opcións similares, comprar unhas templates ou descargarte algún framework open source... probablemente despois duns 3-6 meses estarás farto e o teu negocio continuará sen ter unha paxina web que sirva de referencia ou que aporte o valor engadido suficiente para ser atractiva aos usuarios. E terás que recorrer a profesionais que solucionen o teu problema. Solo terás encetado a perder diñeiro e tempo.
Un deseñador web profesional analizará con detemento o teu caso, creará un proxecto especifico para ti e si vos poñedes de acordo firmaredes un contrato con garantías, no que se establecerán as condicións de desenrolo:
- Deseño da base de datos
- Arquitectura do site
- Programación frontend/backend
- Deseño gráfico frontend/backend
- SEO / Optimización buscadores
- AAA / Accesibilidade e usabilidade
- Auditoría de seguridade
...
e máis ca nada os PRAZOS DE ENTREGA do proxecto.
O prezo: no mercado libre o profesional ten a potestade de establecer as súas tarifas en función da súa cualificación, profesionalidade, calidade, mercado, ...
Evidentemente o cliente ten todo o dereito de informarse, pedir explicacións e garantías; e elixir o que en última instancia considere que se adapta mellor as súas necesidades, recursos ou expectativas.