Saltar ao contido principal

SEO para contidos non textuais (I)

Cando as contornas deseñadas para o marketing on-line son cada vez máis visuais: Como resolver o SEO dun sitio web así? Que se saiba Google -et alt.- inda non indexan as imaxes, videos ou son. Non sen unha pequena axuda.

Boas prácticas para SEO con imaxes

Está pode ser a parte máis fácil de entender. Tamén para os buscadores.

1/ Usar formatos de imaxe axeitados. Google só pode indexar imaxes dos formatos BMP, GIF, JPEG, PNG, WebP e SVG.

2/ No canto de darlle aos buscadores un nome que non ten nada que ver coa imaxe ("IMG12345.jpg"), mellor usar como nomes de imaxe palabras ou frases descritivas do que a imaxe representa. Google usa eses nomes para indexar as imaxes co que podermos conseguir que algunhas veces o nome do ficheiro apareza nunha SERP. Por exemplo "Horreo-de-dezaseis-mos-en-Lourizan-Galicia.jpg" ou "Horreo_de_dezaseis_mos_en_Lourizan_Galicia.jpg". Google entenderao mellor, tamén nos.
OLLO!: Ao separar as palabras con guións Google usaraos como separadores de palabras, mentres que os subliñados ou guións baixos serviranlle para facer unha busca de combinados de palabra ou frase. Evidentemente os resultados da busca van a ser diferentes en cada caso.

3/ O texto alt dunha imaxe non só axuda aos motores de busca, tamén contribúe a usabilidade do sitio e a súa accesibilidade para usuarios que non poden ver a imaxe. Hai que ser o máis descritivo posible co texto alt ... pero sen ser excesivo. Algúns exemplos:
O peor: alt = ""
O mellor: alt = "horreo"
Aceptábel: alt = "horreo dezaseis mos"
Evitar: alt = "horreo arquitectura popular dezaseis mos Lourizán Galicia"

4/ A imaxe non vive separada do resto do contido da paxina. Podemos axudar aos motores de busca a ter unha visión mellor da ordenación dos contidos facendo referencia á unha imaxe no contido escrito da paxina. E inda mellor se usamos as mesmas palabras clave do nome do ficheiro ou do texto alternativo (alt=).
P.ex.: "Como se ve na foto, en Galicia atopamos magníficos exemplos de arquitectura popular coma o hórreo de dezaseis mos de Lourizan...."

5/ Enviar un mapa do sitio a Google Webmaster engadindo etiquetas específicas de imaxe no noso arquivo XML.

(cont.)

saber máis: search-engine-optimizing-non-written-marketing-content

Comentarios

Publicacións populares deste blog

a voltas co deseño web responsivo

O deseño web responsivo implica cambios no proceso de deseño. E unha forma diferente de pensar. Antes de deseñar unha paxina web convén saber -entre outras cousas- como vai a ser o usuario tipo e con que navegador e dispositivo vai a acceder aos contidos. Coas medidas fixadas en píxels, polos parecidos co deseño gráfico plano da publicación impresa, pódese crear un ámbito fácil de comprender e ao que os deseñadores se adaptaron sen problema. Pero impor agora esas restricións do papel e as súas medidas fixas ao deseño web non vai a ser unha solución perdurable. Os modelos flexibles ou fluídos, capaces de adaptarse ao espazo de mostra do dispositivo coa mínima intervención dunha programación especifica, parecen unha alternativa xa consolidada. O desenvolvedor web ten que experimentar e investigar coas técnicas de deseño antes de tentar o deseño -responsivo!- final. O máis axeitado é comenzar polo sinxelo: crear un modelo áxil, adaptable e fluído para mó

Breve introdución ao fenómeno dos meme

Un dos aspectos máis extravagantes, infantís ou simplemente parvos da 'cultura en liña' son os meme. Para os que non estamos familiarizados co seu uso pode pasar totalmente desapercibido, mentres que para os que o practican é un dos vectores de propaganda e reporte de beneficios  1 de maior efectividade. Meme non é un derivado de memez, inda que puidera. Para saber en que consiste e centrar o 'fenómeno' hai que dicir que o meme é unha especie de broma que -polo que sexa- vai gañando popularidade e vaise desenvolvendo e propagando grazas a súa capacidade de xerar un fluxo constante de derivados. Hai unha cantidade indeterminada de memes pululando pola rede. E un número considerable de sitios que, ao longo dos anos, se foron alimentando ou se crearon para preservalos ou dalos a coñecer. Dese xeito foise xerando un espazo en liña para ese novo formato da comedia. Algúns destes sitios gañaron tanta popularidade que acabaron transformarse nunha localización salientable

Como resolver o conflicto no uso dos portos 80 e 443 entre Apache(Xampp, Wamp,..) e Skype

Poderíamos desconectar Skype e asi Apache podería acceder ao porto 80. Pero iso non é unha solución. Asi que o que nos queda é acceder á configuración de Apache e facer algúns cambios: Desde o Panel de Dontrol de XAMPP, no apartado a prol Apache, premer o botón Config... ..., e seleccionar Apache (httpd.conf). No arquivo httpd.conf, buscar a liña que indica o porto que está a usar Apache por defecto Listen 80 E modificala cambiando 80 por o numero/porto que queiramos. Por exemplo: 8080. Listen 8080 Inda dentro do arquivo httpd.conf deberemos atopar ServerName localhost:80 E modificarémolo ao noso xeito, cambiando 80 por 8080. ServerName localhost:8080 Gardar as modificacións ao arquivo httpd.conf A seguir, volvemos a Panel de Control e vamos de novo ao botón Config de Apache e no despregable escollemos o arquivo httpd-ssl.conf Dentro do arquivo httpd-ssl.conf localizaremos a liña que di Listen 443 E modificámola cambiando 443 por o numero/porto que queiramos. Eu us